الأثنين , 23 أكتوبر 2017
رئيس مجلس الإدارة و رئيس التحرير التنفيذيعمرو سليم
عاجل

نيوميديا


3 فبراير 2016 12:18 م
-
عن أغنية الهضبة و منير.."كارلوس لاتوف": مليونيرات عايشين بره بيقولوا بنحب مصر..أنهي العشة و لا القصر

 

الصورة الساخرة التى نشرتها صفحة " كارلوس لاتوف "

 

 

 

 " المستقبل "...


قالت صفحة " كارلوس لاتوف " على صفحتها على موقع التواصل الاجتماعي " الفيسبوك ":

الاستاذ عمرو دياب عامل اغنية جديدة عن القاهرة واستحالة واحد زيك يحس بالاغنية الا لو انت ساكن في اماكن معينة من التجمع الخامس وشوية فنادق معينة عالنيل.. اي زاوية تانية مش هتحس بمعني الاغنية وهتبقي اخوان.


عمرك انت اتمشيت بالليل في قطامية هايتس وشوفت الناس الحلوة الأصيلة الطيبة وشربت فرابتشينو في الخمسينة من ستاربكس؟ او حتي اتسحرت من عربية سوشي وبعدين صليت الفجر مع أمن الكومباوند وحسيت بالدفا الحقيقي؟.. لأ طبعاً خليك كدة مش حاسس بمصر الحقيقية من منطقتك العشوائية يا فقير يابو كارت بعشرة.


أغنية عمرو دياب و محمد منير الجديدة أكبر تجسيد للواقع المسخرة اللي احنا عايشين فيه في البلد دي.

إتنين مليونيرات واحد منهم عايش في ألمانيا و التاني عايش في دبي ، ما بيجوش مصر اللي عشان يقبضوا من حفلات مارينا، واقفين بيغنوا لمصر من فوق فندق خمس نجوم فشيخ ، و بيقولوا بنحب مصر.. أنهي مصر؟؟؟ مصر العشة و لا القصر؟؟


و يا ترى كنتو هتحبوا مصر لو واحد في سنك يا منير انت و عمرو دياب على المعاش و فقد ابنه الوحيد اللي صرف عليه دم قلبه و علمه و كبره و جه كلب من كلاب الدخلية قتلوا أو سحله أو عذبه قدام عنيه؟؟


يا ترى كنتو هتحبوا مصر لو في سنكم ده عيتوا و رحتوا تتعالجوا في مستشفيات مصر المحروسة؟؟


كنتوا هتغنوا لها بفرح و إنتو مش لاقين تمن العلاج و لا سرير نصيف في مستشفى؟ كنتوا هتغنوا لها أوي و إنتوا مش عارفين تجوزوا عيالكم و شايفنهم بيدبلوا يوم ورا يوم قدام عنيكم؟؟


كنتوا هتغنوا لها لو مش لاقين الأنبوبة و لا الكهربا؟ كنتوا هتغنوا لها لو بتاكلوا أكل مسرطن ؟


 أنَا مقدرش أشكك في حب حد للبلد لكن اللي أنا متأكد منه إنكم مش بتغنوا لمصر، إنتوا بتغنوا عليها.

 

 


أخبار مرتبطة
 
5 أكتوبر 2017 8:20 مبعد تدريب متخصص على أيدي أشهر صحفيين ألمان ..“ المستقبل “ تبدأ أولى خطوات إنشاء قسم متخصص للصحافة العلمية22 يوليو 2017 4:06 مفي إنجاز دولي جديد .. تسجيل “ المستقبل “ في الموقع الإعلامي للاتحاد الأوروبي ضمن وسائل الإعلام الدولية25 فبراير 2017 10:53 مالصفحة الرسمية للسفارة الأمريكية بمصر تنشر أخبار “المستقبل" .. و المركز الثقافي الياباني يشارك أخبار الجريدة23 فبراير 2017 4:04 مكبري المواقع الأخبارية الدولية تنقل عن“المستقبل“ ..“outdoneNews “يبرز تصريحات السفير البريطاني التى نشرتها الجريدة أمس25 يناير 2017 11:35 موكالة الأنباء الآسيوية تضع“ المستقبل“ ضمن أكبرالمنصات الإعلامية على مستوي العالم و أكثرها مهنية5 أكتوبر 2016 3:17 م“ السوشيال ميديا “ تنتصر لسيدة بعد تعرضها للاعتداء بأحدي المكتبات .. و إدارة المكتبة تطرد مدير الفرع13 أبريل 2016 10:04 مألمانبا تعلن بدء الحرب على خطاب الكراهية و العنف في وسائل التواصل الاجتماعي23 مارس 2016 8:19 م أطلاق صفحة " ستوديو " على الفيسبوك لعرض أحدث رسومات الجرافيك بتقنيات حديثة9 فبراير 2016 1:36 م" المستقبل " تعلن عن مسابقة امام الشركات و مصممي الجرافيك من الأفراد لتصميم لوجوهات احترافية لموقعها31 يوليو 2015 2:14 ممواطنون يتداولون صور" لفينسيا "على انها لقناة السويس الجديدة..ومعجزه أنشاء قطار معلق خلال يوم واحد

التعليقات