الأثنين , 29 مايو 2017
رئيس مجلس الإدارة و رئيس التحرير التنفيذيعمرو سليم
عاجل

نيوميديا


كتب Mostkbl Admin
5 أكتوبر 2016 3:17 م
-
“ السوشيال ميديا “ تنتصر لسيدة بعد تعرضها للاعتداء بأحدي المكتبات .. و إدارة المكتبة تطرد مدير الفرع

“ السوشيال ميديا “ تنتصر لسيدة بعد تعرضها للاعتداء بأحدي المكتبات .. و إدارة المكتبة تطرد مدير الفرع

 شكوي السيدة و بيان المكتبة

 

 

يخطىء من يعتقد إن لمواقع التواصل الاجتماعي تأثير محمدود فى تغيير الواقع و نصرة المظلوم ، ففي واقعة جديدة تكشف الدور القوي لتلك الوسيلة الحيوية ، حيث كشف احدي السيدات عن واقعة مؤسفة حدثت لها بأحدى المكتبات بالقاهرة ، حيث قالت عبر صفحتها  الشخصية على موقع التواصل الاجتماعي " الفيسبوك ":

 " انا عايزة احكيلكم موقف حصل معايا انا شخصيا انهاردة فى سمير زفت و على و هتعرفوا ليه زفت و طين كمان ... روحت اشترى الحاجات اللى فال supplies list لابنى من فرع سمير و على المهندسين اللى فى شارع شهاب و انا طالعة السلم لاقيت ست كبيرة ام غلبانة زيها زى اى ام شقيانة فى طبقة الغلابة المستورة نسبيا من الطبقة اللى طالع ... امها من الاخر ... المهم بتتكلم مع المدير بهدوء و زوق و ادب و اللى هو مفترض انه شكليا متدين الست اشترت من عندهم calculator casio لبنتها اللى من كلامها فهمت انها يتيمة ... ال calculator طلع بايظ مش شغال و كا اى ست كبيرة مش هيبقى عندها ثقافة الاحتفاظ بالرسيت المهم الست حلفتلهم ميت يمين بصوت كله حق انها جايباه من عندهم و لسة كانت شارية الاسبوع اللى فات كتب و حاجات كتير بشهادة البنت اللى عالكشير .. فضلت الست يستفذوها و هى تذلل و الراجل بقى معاه اتنين تانين مدير كمان و owner تقريبا و التلاتة ازبل و احط من بعض الست كانت مكسورة جدا و بتذللهم انهم يبدلوه هى مش عايزة فلوس يقوللها روحى توكيل casio !!! منتهى المهانة لحد ما الراجل قالها امشى اطلعى برة قالت له لا مش هطلع و مش هتطرودنى ده حقى و تحلف تحلف حقى و مش هسيبه ممعيش فلوس تانى اجيب غيره و بنتى لازم تروح بيه المدرسة الست صوتها يعلى و انا سمعاها و انا بجيب الحاجات من فوق كل اللى بحكيه ده وسط بقى غفلة من ضمير كل اللى فى سمير و على زباين و عاملين و محدش وقف مع الست الغلبانة دى روحت نزلت و زعقت فالبهايم اللى ذالوها و قلتلهم انتوا ايه !!! جنس ملتكم ايه لما تذلوا ست كبيرة زى دى و الله العظيم حرام انا لو اشتريت من عندك حاجة بايظة انتم ملزمين تغيروهالى متقولهاش تروح التوكيل دى مشكلتكم تحلوها مع المورد لكن تفضلوا تذلوا الست كده انتم لا عندكم مله و لا ضمير و لا تعرفوا ربنا و اخيرا واحد محترم شافنى اتكلمت راح دخل و اتكلم معايا كنت اتخأرت و لازم احاسب و امشى عشان معاد نوم ابنى بعد ما حاسبت لاقيت الخناقة عليت قوى لما رجعت لاقيت واحد من التلاتة اقرع و عنده شعر ابيض كبير فالسن بيتهجم على الست عشان يضربها راح الحيوان الجزمة الرمة زق الست وقعت على الرف الى وراها و اترمت على الارض و الحاجات كلها وقعت .. الكسرة و المهانة اللى شفتهم فى صوت و عياط عنين الست دى دبحونى مدرتش بنفسى غير و انا شايطة فيهم و بقولهم انتوا متعرفوش ربنا انتوا كفرة و الناس قومت الست .. البيه بيرمى ال calculator و بيقول للولد غيرهولها قلتله انا هشتريهولها الولد جاب واحد جديد على اساس انه يتبدل الست قالتلى ابوس ايدك جربيهولى .. جربته لاقيته بايظ !!! روحت شايطة فيهم ذياده قلتلهم يعنى الست مبتتبلاش عليكم انتوا اللى بضاعتكم بايظة و بيتبعوها بايظة و سايبنة تتذل كل الذل ده ياللى متعرفوش ربنا ... جابولها تقريبا واحدة كويسة و انا مشيت و مش بقول وانا ماشية غير انتوا محل زبالة و جاتكم القرف و ربنا يتصرف فيكم و طلعت برة فالعربية انهرت من العياط على الست و على القرف اللى واحد بقى عايش فيه !!!!

انا مكنتش اعرف يعنى ايه قهرة بس عرفتها انهاردة و اول مرة اعيط بكم الحرقة دى كده انهاردة .. بجد حسبى الله و نعم الوكيل".

 و من جانبها قالت مكتية " سمير وعلي " - فى بيان لها - : بناءً على ما حدث مع السيدة الفاضلة داخل فرع مكتبات "سمير وعلي" فرع شهاب بالمهندسين، من شد وجذب مع أحد العاملين ومدير الفرع، نحيط سيادتكم علمًا انه تم تحويلهم إلى الشئون القانونية والتحقيق معهم، إثر ما حدث وبناء عليه تقرر الآتي :

 • فصل مدير الفرع وأحد العاملين بالمكتبة

• جاري الآن محاولة الوصول إلى السيدة صاحبة الشكوى لرد اعتبارها أمام الجميع وتعويضها ماديًا ومعنويًا

 


أخبار مرتبطة
 
25 فبراير 2017 10:53 مالصفحة الرسمية للسفارة الأمريكية بمصر تنشر أخبار “المستقبل" .. و المركز الثقافي الياباني يشارك أخبار الجريدة23 فبراير 2017 4:04 مكبري المواقع الأخبارية الدولية تنقل عن“المستقبل“ ..“outdoneNews “يبرز تصريحات السفير البريطاني التى نشرتها الجريدة أمس25 يناير 2017 11:35 موكالة الأنباء الآسيوية تضع“ المستقبل“ ضمن أكبرالمنصات الإعلامية على مستوي العالم و أكثرها مهنية13 أبريل 2016 10:04 مألمانبا تعلن بدء الحرب على خطاب الكراهية و العنف في وسائل التواصل الاجتماعي23 مارس 2016 8:19 م أطلاق صفحة " ستوديو " على الفيسبوك لعرض أحدث رسومات الجرافيك بتقنيات حديثة9 فبراير 2016 1:36 م" المستقبل " تعلن عن مسابقة امام الشركات و مصممي الجرافيك من الأفراد لتصميم لوجوهات احترافية لموقعها3 فبراير 2016 12:18 معن أغنية الهضبة و منير.."كارلوس لاتوف": مليونيرات عايشين بره بيقولوا بنحب مصر..أنهي العشة و لا القصر31 يوليو 2015 2:14 ممواطنون يتداولون صور" لفينسيا "على انها لقناة السويس الجديدة..ومعجزه أنشاء قطار معلق خلال يوم واحد1 يوليو 2013 8:14 ممصر وطني : مصر ليس وطناً نعيش فيه بل وطننا الذي يعيش فينا24 يونيو 2013 12:29 مبعد قرار المحكمة ... الفيسبوك يعلن عن بدء حملة للقبض على مرسى تفعيلاً للضبطية القضائية للمواطن

التعليقات