الجمعة , 24 نوفمبر 2017
رئيس مجلس الإدارة و رئيس التحرير التنفيذيعمرو سليم
عاجل

كوكتيل


كتب Mostkbl Admin
5 نوفمبر 2016 11:46 ص
-
باسم يوسف: “ خليكم فاكرين دايما أن مصر بتفرح .. و أحمد موسي بيجري وراء عربات الرش “

باسم يوسف: “ خليكم فاكرين دايما أن مصر بتفرح .. و أحمد موسي بيجري وراء عربات الرش “



قال الإعلامي المصري، باسم يوسف، مساء الجمعة، "إنه ليس على الرئيس المصري، عبدالفتاح السيسي، حرج، وذلك في تغريدة تأتي بعد قرارات تعويم الجنيه المصري والذي تبعه رفع بأسعار مشتقات نفطية.

 جاء ذلك في تغريدة لباسم يوسف على صفحته بموقع التواصل الاجتماعي، تويتر، حيث قال: "ليس على السيسي حرج.. وخليكم فاكرين دايما أن مصر بتفرح."

 كما قال : " المفروض يتعمل أفلام تسجيلية و دراسات و رسايل دكتوراه على احمد موسى و بقية شلة الاعلاميين الحلوة دي . الناس دي بتقوم بدور خارق للعادة. ازاي يطّلع امبارح يقول الدولار بعشرة و الناس تصحى تلاقيه ب ١٣ الصبح و شارخ على ١٦ على اخر اليوم و يطّلع عادي و يقول ان دي ضربة معلم عشان الاخوان خسروا ١٨ مليار دولار بالحركة دي . او يجيب مشهد من فيديو جيم على انها غارات للجيش الروسي و يكمل عادي . او يطّلع ينفي صفقة الطيارات الرئاسية و بعدين يبررها عادي ، او يقول للناس تشرب مية بلمون و في نفس ذات دين ام الجملة يحكي على أكلاته المفضلة الغالية. او يروج ان حسن مالك هو سبب أزمة الدولار او ان البلد كويسة و ان اللي بيحصل ذي اشاعات سببها عصابة بتروج للمناخ التشاؤمي . القدرة المتجددة على التعر.. و على التبرير و على إيجاد عالم موازي دي شئ جبار يا جماعة. ازاي بيحضر للبرنامج ؟ ازاي بيكتب السكريبت ؟ ايه هي كواليس البرنامج و هو بيتلقى الأخبار الجميلة قبل ما يطّلع الهواء و بيقرر ايه هي حركات الجمباز العقلي اللي حيقوم بيها عشان يبرر النهاردة ؟ ازاي بيمتلك ثقة في النفس كده و هو مستوى كفائته و ذكاءه و امكانياته اقل من إمكانيات شخص مجذوب يجري وراء عربات الرش؟




التعليقات